De Həzrət imom Cəfər Sadığ(ə)-i şəhodəti sorqardışi xoto səbəsəloməti.

Imruj 1 şanbə miladi 2021 minnə sori iyonə manqi 6 nə ruj, hicri ğəməri 1442 şəvvalə manqi 25, imamət və vilayət osmoni 6 nə ostovə Həzrət İmom Cəfər Sadığ(ə) şəhodəti sorqardışe.

Şiəyon 6-ə rəhbər iyən İmom, Həzrət imom Cəfər Sadığ(ə) ıştə bərəkətinə umrədə kardey zınəş be qıləy yolə elmi iyən mədəni hərəkəti binovrə bıbu, əv əmələn çı şiə məktəbi elmi əsos iyən fundamenti ğoym və mıhkəmış karde.

Bə faxtədə ki anti islom vironəkə əğidəon islame nabi vədə bənə təhdid be İmom cəfər Sadığ deştə elmi mucahidət anti islam mınhərifə fikon vədə manə be.

Ə Həzrət şiə məktəbi təsisədə veyə renc-zəhmətonış tov varde ta bə dini ağılmandəti iyən islomi əsos qıləy yolə hərəkəti binovrə bıbu.

Şiəyon 6-ə İmom bəhs iyən votemon hejo de istidlol iyən mənteği be və bə dini şubhəon cəvob doe kənoədə şiə məktəbi bəji karde roədə vey muhimmə roli ifoş karde.

Bə zumandə fakt-sənədon əsos, muxtəlif mıvzoon barədə Həzrət anədə alimanə əhotəş be ki əhle sunnətı yolon, mincumlə Şafei, Maliki iyən Əbuhənifə həm İmom Cəfər Sadığ(ə)-i dərs-təlim məhzəriku istifodə kardedə bin.

İroni telerədio təşkilat dınyo şiəyon 6 nə imom, şiə məktəbi rəis, Həzrət İmom Cəfər Sadığ(ə)-i şəhodəti sorqardışi bə həmmə mıslmonon və dınyoədə bıə ozodəti tələb kardəkəson məxsusən şiəyon təsliyət ərz kardedəmon.