İroni Məşhur aktisa votışe: bə Amerika rasizmə siyasəton xoto, az Oskar festivalədə iştirak nibəkam.

İroni Həvatəkəs nomo filmi məşhur aktist, Təranə Əlidusti, bə Amerika prezident Donald Trampi rasizm siyasəton eteraz karde xoto, Oskar festivali təhrimış kardə(bə sənksiyə noşe).

Bə İribi raporti əsos, İroni Həvatəkəs nomo filmi məşhur aktist ki Oskar festivalədə həm mukafat qəte namzəd elan be, Yanvari 26 ədə elanış kardə ki, bə Amerika prezident Donald Trampi rasizm siyasəton eteraz karde xoto pidəş ni çın festivali mukafat doe mərasimədə iştirak bıkə.

Təranə Əlidusti ıştə Tvitter səhifədə nıvıştə: çı Trampi tojə ğərol, bə İronıjon Viza nedoe ijən bə Amerika səfər kardero mısılmonon vədə məhdodiyəton elan karde qıləy rasizmə kərəkəte ki, az bəy eteraz kardey xoto pidəm ni Oskar festivali mukafat doe mərasim ədə iştirak bıkəm.

Ğey bıkəmon ki, Həvatəkəs nomo filmi Əsğər Fərhadi soxtəşe.

Im film Imsor çı Oskar festivali ğəyri enğilisi zıvonə fılmon hissədə, mukafati 5qılə namzədon cəmədə heste.

Əsğər Fərhadi çimiku bənav həm 2012 sorədə 1-nə  kərə Oskar mukafati soyb bıə be.