İmran Xan: Pakistoni hukuməti əvəz kardyro xarıci plan cərəyonədəy.

Pakistoni bə kəno noə bıə i minnə vəzir Pakistoni hukuməti əvəz kardyro xarıci plani ica bey barədə xəbəş do.

Pakistoni Parlament şənbə şəv Pakistoni iminnə vəzirəti vırədə İmron Xani iştiroki dəvomi barədə qıləy iclosi bərpoş karde ki oxoy sə de 174 qılə sədo de çəy bə kəno noe sə be.

Bə Əlcəzirə kanali raporti əsos, İmron Xan bə ın kişvəri hukuməti əvəz bey xoto anti Pakiston xarıci xəbisə planon dəvomi işorəş karde iyən votışe: Pakistoni millət ıştə hakemiyyət iyən demokratiyaku mudafiyə bəkarde.

İmron Xan çimi bənav qıləy Tuvitter mesajədə elanış kardə be ki mıstəğil xarıci siyosəton vıjniye iyən ın kişvərədə xarıci hərbi bazaon okardey icozə nıdoe xoto jığo de Amerkə xəbisə plani dim bə dim bıə.

Tojədən çı Pakistoni Təhrik insof partiya lideron İmron Xani bekardeyku iruj bəpeşt jığo bə ğərol omin ki kollektiv surəti milli məclesiku istifo bıdən. əvon təkidışon be ki hiç vaxt de omə dıvləti həmkarəti və sulh ni bəkardın.

De İmron Xani rəhbərəti bıə Təhrik İnsof partiya Pakistonədə çəy faxtiku bənav bıə səçeni dəvoniye tələb kardən.

Imruj Pakistoni milli məclisədə tojə iminnə vəzir və milli məclesi rəisi vıjniye iclos bərpo bəbe.