De İmom Zeynul-Abidin(ə)-i şəhodəti sorəqardışi mınosibəti səbəsəlomətəti.

Imruj hicri ğəməri 1444-nə sori məhərrəmə manqi 25, bə qələy rəvoyəti əsos, Xıdo Rəsul(s)-i pokə nəvəonku qıləyni, çı İmom Huseyn(ə)-i qiramiyə zoə, Səccad ləğəbış bıə Həzrət, şiəyon 4-nə İmom Zeynul-Abidin(ə)-i şəhodəti sorqardışe.

Dınyo şiəyon 4-nə imom, Həzrəte İmom Zeynul-Abidin(ə) hicri ğəməri 38 nə sori Mədinə şəhrədə bə dınyo omə, Həzrət qıləy əsrədə jimonış be ki bo islami əzizə Peyğəmbər(s) ailə vey saxtə şərayet icud be.

İmom Səccad(ə) ki kərbəlo hadisədə noxəş be, İmom Huseyn(ə) əzəmətinə ğiyami bəpeştə ım ğiyami pəyqumi pevılo karde iyən ıştə əzizə dədə roy dəvom doe xoto qonə məsuliyyətış bə ohdə qəte və ım ğiyomi mahiyyət və əhəmmiyyəti nışon doe xoto veyə fəaliyyətış karde.

Şiəyon 4 minnə imom bo islamiyə tarix və mədəniyyəti bino karde iyən Kərimə Ğıroni həğiğiyə təlimon inkişaf doe həm vey fəaliyyətış karde dıştə məxsusə zıne və bəsirəti mıslmonə alimonış tərbiyət kardə ta de ım metodi vositə Kərimə Ğıron və islami əzizə Peyğəmbər(s) sirə iyən rəftor hifz bıbo.

Ə Həzrət de ləyoğətinə insonon cəm karde əvoni ıştə təlimon jentonədə perosnişe, anədə ki tarixiyə rəvoyətonədə Həzrəti məşhurə şaqirdon 170 nəfər ğeyd bıə.

Bo mısılmonon Çı İmom Səccad(ə) coqılə ğeymətinə irson Səhifeye Səccadiyəe, ım kitob əqəçı dıvo ğalibədəy əmmo islami və irfoniyə məarif və təlimon, şərei hıkmon, siyosi, iştimoei, tərbiyəti iyən əxloğiyə həssosə məsələonku iborəte.

İron İslam Respublika Tolışi Rədio koəkəyon tərəfo, İmom Səccad(ə)-i şəhodəti sorqardışi mınosibəti bə dınyo həmmə mıslmonon məxsusən tolışə həmzıvonon səbəsəlomətəti ərz kardedəmon.