Pakistonədə “ mıosir dınyoədə İmom Xomeyni(r)-i fikon təsir” nomo iclosi bərpo bey
Bə İroni İslomi İnğilobi yolə təsisəkə rehləti 34minnə sorəqardışi mınosibəti xoto, Ravelpəndiədə və bə İroni mədəni kə mizbonəti və de İron və Pakistoni şəxsiyəton iştirok, mıosirə dınyoədə İmom Xomeyni(r)-i fikon və əməlon təsiri iclos bərpo bıə.
Hicri Şəmsi 1402 minnə sori Xordadə manqi 14, bə təğvimi əsos de İroni islamiyə inğilabi təsis əkə Mərhum İmom Xomeyni(r) bəfot karde sorqardışi bərobəre.
34 sor çımi bə nav bənə həmonə rujonədə, İroni islamiyə inğilabi Yolə Rəhbər Ruhollah Musəvi Xomeyni(r) 87 sor zəhmətin iyən fəxrinə jimoni bəpeştə ki hiç faxt Həzrəti oqıniye boiys nıbe bəfotış kardə və bə həxi mıloğat karde əbədiyə səfər şe.
Bə həminə mınosibəti xoto iyən İron İslom Respublika təsisəkə rehləti sorəqardışi astanədə, Ravelpəndiədə və bə İroni mədəni kə mizbonəti və de İron və Pakistoni şəxsiyəton iştirok, mıosirə dınyoədə İmom Xomeyni(r)-i fikon və əməlon təsiri iclos bərpo bıə.
Bə İrna raporti əsos, Pakistonədə bıə İroni səforətxonə muavin, Nəbi Şirazi, İroni mədəniyəti kə yol, Fəramərz Rəhmanzodə, hərəmi əhli cəmaəti yol, Mofti Qplzar Əhməd Nəimi iyən kali Pakistoni dini və siyosi şəxsiyəton ıştən sıhbətonədə İmom Xomeyni(r)-i vırə iyən rol təbyin kardey, ellitaon və dınyo milləti nəzdədə ə Həzrəti fikon təsiron, islomi ummətədə islomi vəhdət və islomi zumandəti və həmçınin Həzrəte İmom Xomeyni(r)-i şəxsiyəti xusiyəton barədə nıtğ kardışone və çəy yod və xotirə qırami zınəşone.
Pakistonədə bıə İroni səforətxonə muavin ijən votışe: İron İslom Respublika təsisəkə barzə şəxsiyət bənə qıləy islomi barzə alim, həmişə dınyo ozodtələbon ilhoməbaxş be və çəy bərəkətinə umri soron yolə nəticəon həni dəvomış heste.
