Bə Pakistoni hovzəye elmiyə və alimon, çe İslomi İnğilobi Yolə Rəhbəri təsliyətə mesaj

İslomi İnğilobi Yolə Rəhbər bozorqvarə alim Huccətul İslom Hac Şeyx Muhsen Əli Nəcəfi bəfoti bə Pakistoni alimon və hozeye elmiyə təsliyət votışe.

Bə İslomi İnğilobi Yolə rəhbəri məlumatərosnə mərkəzi raporti əsos, Huccətul İslom Hac Şeyx Muhsen Əli Nəcəfi bəfoti dumoədə, İslomi İnğilobi Yolə Rəhbər Həzrəte Ayətullah Xamenei qıləy mesajədə bə Pakistoni hovzeye elmiyə, alimon, çəy ailə və tərəfdaron xususi Bəltestani əzizə şiəyon ım yolə alimi bəfoti təsliyət votışe və Xıdoku ım pokə alimiro baxşış və barzə məğomon iyən çəy ailəro səbr və oromti tələbış kardə.

Huccətul İslom Hac Şeyx Muhsen Əli Nəcəfi Pakistonədə şiə məşhurə alimon və təfsirəkəyonku be ki ıştə təhsilaton Nəcəfədə və ustadoni bənə mərhum Ayətullah Xoi və Şəhid Ayətullah Muhəmməd Bağır Sədri məhzərədə umutəş be.

Huccətul İslom Hac Şeyx Muhsen Əli Nəcəfi Cameətol Əhle Beyt və Cameətul Kosər nomo hozeye elmiyəon təsisəkə iyən Pakistonədə Əhle Beyt(ə)-i assembliyə ali şura sədr iyən ım kişvərədə çand qılə xısusi universiti təsisəkə be.