Pokistoni iminnə vəzir, de bə İron həmmə tərəfiyə rabitəon mehkəm kardey təkidış kardə

Pokistoni iminnə vəzir de Tehron həmmə tərəfiyə rabitəon mehkəm kardeyro bə İslom Abadi təəhud təkidış kardə.

Bə İrna raporti əsos, dışəmbə rujədə Pokistoni iminnə vəzir Muhəmməd Şəhbaz Şərif de İroni milləti vıjniye bıə prezdent Məsud Pezişkiyani telefoniyə votımonədə de Tehroni həmmə tərəfiyə rabitəon inkişofiro bə İsom Abadi hozzoəti təkidış kardə iyən votışe: bə Pokiston İroni bə rəhmət şe prezdent şəhid Seyd İbreym Rəyisi səfə cərəyonədə 3tərəfiyə çokə həmkoətiro vey çokə sıhbəton əncom be.

Şəhbaz Şərif İroni prezdenti səçınədə Məsud Pezişkiyani səbarzəti bəy təbrik votışe iyən əlovəş kardə: İslom Abad vey meylış heste be ki muxtəlifə baxşonədə əcumlə ticori, enerji və məntəğə əmniyyəti baxşonədə həmmə tərəfiyə həmkoətion inkişofi və 2 qılə kişvəri rabitəon vey zumand kardeyro de Tehroni tojə devləti nezə həmkoətion əncom bıdə.