Pokistonədə Aşuraye Huseyn(ə)-i hərorət iyən əzəmət
Şəhidon yolon, Həzrəte İmom Huseyn(ə) və çəy bəfodorə əshabon məzlumanə şəhodəti matəmədə, Pokistoni şiəyon iyən ismət və təhorəti əhle Beyt(ə)-i aşiğon, ım kişvəri muxtəlifə şəhronədə əzodorəti kardışone.
Bə İrna raporti əsos, Pikistoni Cənub tosə Şimoliku muxtəlifə şəhronədə əcumlə çy poytəxt, İslomabad,Ravalpindi, Pişəvər, Lahor, Kəraçi, Kvettaədə rozə handey, sinə jəey və zəncir jəey dastəon ğəlibədə Huseyni əzodoron çand milyoniyə hərorətinə iştiroki şoyd be.
Pokistoni muxtəlifə şəhronədə həm İronıjə sakinon de ım kişvəri şiəyon bə ico, Həzrəte Əbaəbdullahel Huseyn(ə)-i məzlumanə şəhodəti sorəqardışədə bəştə sə iyən sinə jəşone və matəmə ars cari kardışone.
İjən Pokistoni prezdent Asef Əli Zərdari və Çəy iminnə vəzir, Şəhbaz Şərif de ım kişvəri milli və senat icloson yolon, de bəyoniyəon muntəşir kardey vositə votışone ki Aşura ruj, həmmə dınyo mısılmononro nığılə mənəvi və torixi əhəmiyyəti soybe və İmom Huseyn(ə)-i fidokorəti və isor bə həmmə umutəşe ki həx və ədoləti royədə ğiyom qıləy roye ki bə əbədiyə tovfiğ və Mıtəalə Xıdovəndi rizoyəti bərəse.
