Bə 2 qılə məçiti zid terroristiyə hucumədə 60 qılə əfğaniyə nımojəvot şəhid be.
60 qılə sə veyə nımojəvotə əfğani terroristiyə hucumi nəticədə ki Əfğanistanı paytəxt Kabol şəhri imom Zəman(ə) məçitdə iyən Ğur ostani came məçitdə təşkil be bə şəhodət rəsedən.
Bə İRNA xəbon əsosi terroriston cumə ruji eşa nımoji bərpo kardə vaxti Kabol şəhrədə şiəyon imom Zəman(ə) məçitdə bəştə bastə bə bombaonışon nımojəvoton cəmədə tıpnişone və çəy bəpeştə silahlinə hucuməkon bə məçit daxil bedən və 32 nəfər nımojəvoti bə şəhodət rosnedən.
ım terroristiyə hucumədə 42qılə nımojəvot həm yarəjə bedən.
eyne holədə coqlə terrorist əfğanistanı Ğur ostani "Du Layna" şəhri came məçitdə bəştə bastə bə bombaon tıpnedə ki nəticədə 30 qılə nımojəvotonku bə şəhodət rosnedən və çandə nəfər həm yarəjə bedən.
yarəjəon ve be xoto şəhidon ədədi ve be ehtimal heste.
İŞİD terroristiyə qrup ım terroristiyə hucumon məsuliyyətış bə qi qətə.
