Şiiə yolə alimon
Şiyə dınyo yolə alimon-161
Şiiə yolə alimon
Çın muhimmə təmbaku hərəkəti bəpeştə,islomi deşmınon bəçəy ələyh ıştə məkrinə planonışon bino karde.çın hodisəku hələ 1 sor dəvardə nıbe ki,Əfğanıstonədə çı ingilison dasti jiyədə bıə podşo de moliyyati nıdoey bəhonə və de əhli-sınnəti məzhəbi tərəfdoron hisson təhriki,bə çın məmləkəti şiyə ənıştə məntəğon həmləşon karde və bın vağiyə cərəyonədə çı Əfğanıstoni şiəyonku çandə həzo nəfər bə şəhodəti məğami rosney be və ya əsir kardey be və çəvon mol-əmvolon ğarət kardey be.
Im xəbə de Əfğanıstoni şiyə alimonku qıləyni bıə Molla Kazım Durəfşay təvəssuti bə Mirzaye Şirozi riosney be.Mirza bilofosilə bo Nasirəddin şah qıləy teleqrafış vığande və çəyku tələbış karde ta bə ingilistoni kraliçəku dəparso ki,çıro jıqo qıləy hodisə bə əməl omə.əv ıştən həm peşo qıləy co etıroznoməş bo ingilistoni kraliçə nıvışteşe və ım hodisə məhkum kardə holədə məleykə ya kraliçəku tələbış karde ki,ıştə dasti jiyədə nıştovnə podşoku tələbko ki,əv çın koyku bə diyəro bımando.Mirzaye Şirozi deştə ım hərəkəti bə həmmə kəson nışonış doe ki,çı mısılmınon miyono təfrığə,deşmınəti iyən ixtilofon rəğ-rişə komcoye və kom kəs çə şiyə iyən sınni miyono ixytilof icod kardey dumoe və bın hodisədə qıləy mənfəətış heste.çı Yolə Mirzaye Şirozi bə hodisə bıə mıdoxiləon sayədə ım hodisə oxo de məntəğədə sulh iyən oroməti bə oxo rəse….
