Şiiə yolə alimon
Şiyə dınyo yolə alimon-168
Şiiə yolə alimon
Şiyə ali-ğədr iyən yolə alimonku co qıləyni Mirzaye-Kuçək ya dıminə Mirzaye.Məhəmməd Təği Şirozi Hicri-Ğəməri 1256-ə sori Şirozədə bə dınyo çəşış oj karde.əmmo həyğətədə əv çı Kermanşah Zənqənə İl mənşəku be ki,çı kurdə ğvmonku iborət bin.əv bənə coqlə ziyodə alimon ıştə mığəddimə dərson bəpeştə boştə elmi təkmiliro bə Nəcəfı-Əşrəfi şəhri şe və əyo çı Yolə Mirza dərsonədə iştirokış karde.qıləy zəmon ki,Yolə Mirza bə Samirra şəhri hərkətış karde,əv həm de Mirza coqlə şoqirdon bə ico bə Samirra şəhri şe.Yolə Mirza çəy bə məbhəson bıə təsəlluti xoto,əvış bo tədrisiro vıjniyeşe və çəy bədiqə kali məbhəson iminə Mirza əvəzi,Dıminə Mirza bo ə buzurquvarə alimi şoqirdon tədris kardedəbe……..
Yolə Mirza bəfoti bəpeştə Hicri-Ğəməri 1312-ə sori Samirra elmiyyə hovzə idorə və çı ustodi məktəbi idomə bə Mirzaye-Kuçəki ehdə noey be və əv həm ım muhimmə koş de tosə ıştə umri oxo de qıləy kulliyə ciddiyyəti bə vırəş rosne.Yolə Mirzaye-Şirazi məktəbi dərson muhimmə qıləyni de istemor iyən istibdodi mıborizə bardey be.əv hejo çı bəyonədə və çı əmələdə bə ım ko təkid kardedəbe ki,çı xariciyon və kuffori bə İslomi məmləkət iyən camiyə bıə təsəllut ğəbul bıənin ni.Dıminə Mirza həm ki,çə həmonə məktəbi dılədə yol bıəbe və ıştə qırd bərəkətinə umr dırozi səy kardedəbe ta həmonə hədəfi istiğomətədə hərəkətko.əv de istemor iyən istibdodi mıborizə bardey ıştə həmməysı muhimmə hədəf hisob kardedəbe.Hicri-Ğəməri 1329-ə sori mı Rusiyə təcavuzkorə ləşkər İroni şimolədə de ozodi tələbə milləti ğətli-ami koy məşğul be, Dıminə Mirza de təcavuzkorə Rusiyə ləşkəri cihod iyən mıborizə bardey fətvoş sadir karde.çın yolə alimi nəzəku kuffor iyən kofiron bə İslomi məmləkət iyən camiyə bıə təsəllut ki,ğərəz mısılmınon ğətli-ami co qıləy nəticəş nıbe,qıləy əmr və ko ki,təcavuzkorə uruson bə İroni bıə həmlə zəmonədə ım komilə surətədə oşko be.əve ın yolə alim bə həmmə mısılmınon vocib zıneşe ki,de har qıləy təriğ iyən roy vositə çın təcavuzkoron mığobilədə bımandon və icozə nıdon ki,kuri məzhəron çı dini şuroron əvəzi bərpo bıbon iyən çəvon vırə bıqəton……
Hicri-Ğəməri 1332-ə ya həmonə Milodi 1914-ə sori İminə Dınyo Canq bino be və çəy bədiqə çı Mirza Muhəmməd Təği Şirozi mərcəiyyət de ingilis iyən deçəy mıttəğfiğon bə İslomi məmləkəton bıə oşkoə huicumi bə zəmon be.Mıttəfiğon ğıvvon bə osmani imperaturəti muharibə elonışon karde .
