Şiiə yolə alimon
Şiyə dınyo yolə alimon-176
Şiiə yolə alimon
Məşrutə tələbon bə Tehron iyən Şeyx Fəzlullah Nuri məhdud nıbe,bəlkəm İroni qırd vıronədə alimon iyən sivil millət əy tələb kardedəbin.əmmo Məşrutə tələbon fəzoşon ğuborin kardeşone və I dastə sodə millətışon vodor karde ta de alimon mıxolifətkon.şeyx bo ziyodə ruşinəti kardero deştə dustonku idastə Reyşəhrədə çı həzrəte Əbdul-Əzimi hərəmədə nıştəco etırozinə aksiyşon dəvordıne.əv de ciddiyyəti elonış karde ki,de hiç vəchi de Məşrutə iyən de səltənəti məhdud kardey mıxolif ni,bəlkəm bo koon islohiro iyən ədoləti icro kardero,ğanunış lozım iyən zəruri zınışe.əmmo İslomi məmləkətədə ım ğanun bəpe dini ğanun bıbu və ya hiç nıbu şəri hukm bıbu, nəyinki,İslomi nəzədə nıqəton və ıştən bə qıləy nuyə istibdodi iyən zılmkorəti təbdil bıbu.
Şeyx Fəzlullah iyən deəy bıə kəson bıə ruşinətiyon qədə-qədə çı fıtnə ğubori çı miyoniku bardedəbe.liza Məşrutə tələbon deəvon rozi bıey coqlə çorəşon nıbe və elon kardeşone ki, Məşrutə kəlmə de din iyən şəri hukmon qıləy mıxolifətışon ni.de ın aqahinomə Şeyx Fəzlullah Nuri iyən deəy bıə kəson ıştə etırozinə aksiyəşon bə oxo rosne və bə şəhr oqardin.əmmo Məşrutə tələbon əmələdə ijən ıştə həmonə sabiğ və kanə məsir iyən royədə hərəkət kardeşone.
Əvon in dəfə səy kardşone Şeyx Fəzlullah Nuri çı milləti miyono bıə ğədr,mənzilət iyən hurməti darışton.de ım məğsədi çı Nəcəfi alimon tərəfiku qıləy teleqraf pesoxteşone və elon kardeşone ki,şeyx bə mısılmınon koon miyono xələl icod kardero çı iştihodi dərəcəku sağit və eqıniyə. deməkə ki,bə zəmon Şeyx Fəzlullah Nuri bə Məşrutə tələbon ələyh qıləy fəoliyyət nışon doydə nıbe.əmmo ım mənfiyə təblığot boyis be ki,idasrə fərdon bə şeyxi terror kardey fik dəşon ki,ım terrot həm mıvəffəğ amzi nıbe……..
Mızəffərəddin şahi maqi bədiqə Məhəmməd Əli şah de hərbi ğıvvon iyən urusə kazakon koməki roy vositə Milli Şurə Məclisış məhf karde və çı Məşrutə tələbon rınəş dəparçıne.əmmo dıroz nıdəkəşe ki,Məşrutə tələbon ijən sənibəton Tehronışon işğal karde.Tehroni fəth kardə kəson yolon qıləy məclis təşkil doşone və çəy nom Məclise-Ali noşone.əvon çı Məhəmməd Əli şah zoə Əhməd şahışon bə səltənət rosneşone və çı devləti mənsəb iyən postonışon ıştə miyono təğsım kardeşone və çəvon iminə ğədəm çı Məşrutə tələbon mıxolifonku intiğom sıey məğsəd be. Məhəmməd Əli şah bə Rusiyə səfərotxonə pənoh bardeşe və Məşrutə tələbon mıxolifonku har qıləy ıştə conışon peqəte və fərol kardeşone.əmmo Şeyx Fəzlullah Nuri ıştə Tehronədə bıə kədə mande və hozzı nıbe boştə coni nicotiro bə kuffori pərçəmi ji dəşo,
Nəhoyətən Məşrutə tələbon bə şeyxi kə həmləşon karde vəəvışon bə şəhrbani və polsi idorə bardeşone.Şeyx Fəzlullah Nuri çandə ruj həmonə şəhrbaniyədə mande və peşo qıləy holədə ki,meydonədə çı dari çu və çın yolə alimi edomi zəminə hozzı kardey bıəbe,de qıləy pesoxtə bıə məhkəmə çəy edomi hukmışon bekarde.
