Masar Ta Bukci Hadin Kai Tsakanin Kasashen Iran, Saudiyya, Masar da Indonesiya

Ministan harkokin wajen kasar Masar ya bukaci hadin kai tsakanin kasashen Iran, Masar, Saudiyya da Indonesiya da nufin farfado da ci gaban kasashe masu tasowa.

A ganawarsa da jaridar Al-Yaumus-Sabi'i ta Masar: Ministan harkokin wajen kasar Samaha Shukri ya bayyana cewa: Samun hadin kai tsakanin kasashen Iran, Masar, Saudiyya da Indonesiya zai taimaka a fagen farfado da ci gaban kasashen masu tasowa.

Har ila yau Shukri ya jaddada matsayin kasarsa ta rashin amincewa da duk wani tsoma bakin kasashen waje a harkokin da suka shafi harkokin cikin gidan Masar.