Congo : Nguesso Yayi Alkawarin Lashe Zabe Tun Zagayen Farko

Shugaba Denis Sassoun Nguesso na Congo dake yayi alkawarin lashe zaben shugaban kasar na ranar 20 ga watan nan tun zagayen farko.

Mr. Ngeusso dake neman wa'adi na uku ya firta wadanan kalamen ne a wannan Asabar, a yayin yakin neman sa a yankin Pointe-noir dake kudancin kasar.

'yan takara takwas ne dai da suka hada da mace guda zasu fafata da shugaban kasar mai barin gado, inda tuni wasu daga cikin su sukayi fatali da ikirarin nasa da cewa abu ne da ba zai taba yiyuwa ba.

Nguesso wanda ya shafe sama da shekaru 32 kan madafun ikkon kasar ya samu yin tazarce ne bisa kwaskwarima da akayi wa kundin tsarin kasar daya bashi damar sake tsayawa takara a karo na uku.

A ranar juma'a data gabata ne dai aka bude yakin neman zabe a kasar ta Congo.