Rubtawar Kasa Ta Yi Sanadiyar Mutuwar Mutane 22 A Ghana

Jami'an 'Yan sanda a Ghana sun ce addadin mutanen da suka mutu a cikin wata mahakar zinari ta bayan fage a kudu maso yammacin kasar sun haura zuwa 22 daga 17.

Kafar watsa labaran Afirka Time ta habarta cewa kasa ta ribta da wasu Mutane dake hakar zinari a wani wuri da aka haramta hakar zinari cikinsa, lamarin da yayi sanadiyar hallakar 22 daga cikin su

Mahakar mai zurfin mita 80 wacce aka daina aiki da ita wadda kuma gwamntin ta haramta a farkon wannan shekara ta rubta da masu ginan zinarin a ranar Lahadin da ta gabata.

Ghana dai ita ce kasa ta biyu a Afirka bayan Afirka ta Kudu wadda da ke da  arzikin karfen zinari, sai dai a karo da dama a kan samu irin wannan hadari.