EU Ta Taimakawa Wadanda Ambaliyar Ruwa Ta Shafa A Nijer

Kungiyar tarayya turai ta EU ta sanar da bada wani tallafin kudi na Milyan 264 don taimakwa wadanda ambaliyar ruwa ta shafa a Jamhuriya Nijer.

Taimakon na kungiyar ta EU zai shafi sama da mutane 83,000 da mabaliyar ta shafa da samar da ruwan sha saftatace don kaucewa yaduwar cututuka da ake dauka ta hanyar gurbatatun ruwa.

Tunidai asusun kula da yara kankana na MDD wato Unicef hadin gwiwa da kungiyar agaji ta red cross a Nijer din suka fara shirya yadda za'a tsara bada tallafin a jihohin a jihohin da suka hada da Dosso, Tillaberi da kuma Agadas.

Ambaliyar ruwa sama da aka samu bana a Jamhuriya Nijer ta hadassa barna mai yawa da hasara rayuka.