Najeriya: An Gudanar Da Zanga-zangar Neman Sakin Sheikh Ibrahim El-zakzaky

Matan harkar musulunci sun yi Zanga-zangar ne a birnin Abuja suna masu neman a saki sheikh Ibrahim Yakubu El-zakzaky da maidakinsa

Masu Zanga-zangar sun isa bakin ginin hukumar kare hakkin bil'adama ta kasar dauke da hotunan Sheikh Ibrahim Yakubu El-zakzaky.

Tun a 2015 ne  sojojin Najeriya suka kai hari a gidan Sheikh Ibrahim Yakubu El-zakzaky tare da kama shi da maidakinsa  Malama Zinat.

Daruruwan mabiya Harkar musulunci a Najeriya ne dai aka kashe a yayin harin da sojojin suka kai, daga cikin hadda 'ya'yan sheikh, su uku.

Kotun kasar Najeriya ta bukaci da a saki Sheikh Zakzaky da mai dakinsa tare kuma da biyansu diyya.

Sai dai har yanzu gwamnatin kasar ba ta aiwatar da umarnin na kotu ba.