Urdugan: Takunkumin Amurka Akan Sudan Zalunci Ne

Shugaban kasar Turkiya Rajab Tayyib Urdugan wanda yake ziyara a kasar Sudan ya bayyana cewa Manyan Kasashen Duniya Suna Son Kafa Iko A Kasashen Musulmi

Shugaban na kasar Turkiya ya kara da cewa makirce-makircen da kasashen duniya masu ji da karfi suke kitsawa, manufarta karkatsa kasashen musulmi domin shimfida iko a cikinsu.

Har ila yau, shugaba Rajab Tayyib Urdugan ya soki Amurka saboda takunkumin da ta kakabawa Sudan, tare da cewa; hakan ya jefa mutanen Sudan da dama cikin matsala.

Urdugan ya kara da cewa; Babu shakka takunkumin Amurka akan Sudan, zalunci ne, kuma ko badadade ko bajima azzalumai za su dandana sakamakon zaluncinsu.