Burundi: Wani BAm Da Ya Tashi Ya Jikkata Mutane 15

'Yan Sandan Burundi sun sanar da cewa bam din ya tashi ne a gundumar Kayanza da ke arewacin kasar.

Kamfanin dillancin labarun Xinhua da ya ambato 'yan sandan kasar Brundi ya ce; Masu dauke da makamai ne yankin Kayanza su ka kai harin.

Babu wani cikakken bayani akan dalilin kai harin.

A watan Aprilu na 2015 ne shugaban kasar Peer Nkrunziza ya yi tazarce a karo na uku na shugabancin kasar, abin da ya jefa kasar cikin dambaruwar siyasa.

Ana zargin gwamnatin na Nkrunziza da take hakkin bil'adama da kuma musgunawa 'yan adawa.

A halin da ake ciki a yanzu kasar tana fama da karancin shinkafa da man fetur, al'amarin da ya jefa al'ummar kasar cikin halin kunci.