An Gudanar Da Gaggamin Rana Qudus A Kasashen Duniya Da Dama

A matsayin amsa kiran marigayi Imam Khumaini na sanya juma'ar karshe na ko wani watan Ramalana, ranar Qudus ta Duniya, al'ummar musulmi a kasashen Duniya da dama sun gudanar da jerin gwano domin raya wannan rana

Daga cikin kasashen da suka raya wannan rana harda kasar Tanzaniya, inda mahalarta jerin gwano suka dinga rera taken yin alawadai da haramtacciyar kasar Isra'ila tare da nuna cikekken goyon bayansu ga Al'ummar Palastinu.

Zanga-zangar ranar Qudus ta Duniya da al'ummar Duniya ke gudanarwa a karshen juma'ar karshe na ko wani watan Ramalana ya yi daidai da lokacin da aka gudanar da zanga-zangar a kasar Iran da kuma yankunan Palastinu.

Kimanin shekaru 39 kenan marigayi Imam Khumaini ya  sanya ranar juma'ar karshe ta watan Ramalana a matsayin Ranar Kudus ta duniya don nuna goyon baya ga al'ummar Palastinu yana mai kiran al'ummar musulmi da su girmama wannan ranar.