Nijar : An Fara Gasar Kokowar Gargajiya Karo Na 40
Dec 25, 2018 17:19 UTC
-
A shekara 1975 ne lokacin mulkin tsohon shugaban kasar mirigayi Seyni Kountché, aka kirkiro da wannan gasar ko kwampala a matkin hada kan al'ummar kasar.
A Jamhuriya Nijar, da yammacin yau ne aka bude gasar kokowar gargajiya ta kasar karo na 40 da jihar Tillaberi ke karbar bakunci a bana.
'Yan kokowa 80 ne daga jihohin kasar takwas ne zasu fafata a gasar da za'a kwashe kusan kwanaki goma anayi domin fidda zakara.
A bara dai dan kokowa Tassiu Sani ne daga jihar Zinder ya dauki takobin, wanda a yau ya mika shi ga ministan wassani da matasa na kasar, a matsayin bude gasar ta bana.
A shekara 1975 ne lokacin mulkin tsohon shugaban kasar mirigayi Seyni Kountché, aka kirkiro da wannan gasar ko kwampala a matkin hada kan al'ummar kasar.
Duk da hakan gasar dai na da farin jini sosai, sannan tana samun karbuwa ga jama'ar kasar harma dana ketare.
