Shugaban CIA Zai Kai Ziyara Turkiyya

Shugaban hukumar leken asiri ta AMurka CIA, Mike Pompeo zai kai wata ziyara a Turkiya gobe Alhamis.

Wannan dai na zuwa ne bayan tattaunawar da shugabannin kasashen biyu sukayi ta wayar tarho.

A yayin ziyara Mista Pompeo zai tattauna da mahukuntan Turkiyya akan batutuwa da dama da suka hada da na babban malamin nan na Turkiya Fethullah Gülen dake gudun hijira a Amurka da kuma batun mayakan Kurdawa na PKK da Amurka ke goyan baya yayin da ita kuwa Turkiyyar ke daukarsu a matsayin 'yan ta'adda.

Jiya Talata ne shugaban kasar ta Turkiya Racep Tayib Erdogon ya tattauna ta wayar tarho da takwaransa na Amurka Donald Trump inda suka jaddada wajibcin hadin gwiwa tsakaninsu kan batun kasar Syria.