Nasarar Dakarun hadin gwiwar Iraki a yammacin Mausil

Dakarun hadin gwiwar Iraki sun hallka sama da 'yan ta'addar ISIS 50 a garin Tal'afar na yammacin Mausil

Tashar telbijin din Al-Alam ta habarta cewa a ci gaba da kai farmaki na 'yanto yammacin Tal'afar, Dakarun kasar Iraki da Dakarun sa kai sun samu nasarar tsarkake barikin Sojin Gazlani dake kudu maso yammacin birnin Mausil dake a matsayin babban sansanin 'yan ta'addar na ISIS, har ila yau Dakarun sa kai na Kasar Sun samu nasarar tsarkake arewacin yankin Hamamul-Alil dake garin na Mausil.

A yayin zantawarsa da wakilin tashar Al-Alam a marecen jiya Alkhamis, Abu Dargam daga cikin komondojin Dakarun 'yan sanda na musaman ya ce a yayin farmaki na tsarkake filin jirgin saman garin Mausil, mayakan 'yan ta'addar sun ramta a na kare, duk kuwa da cewa 'yan ta'addar sun yi amfani da a motocin da suka makile su da bama-bamai domin hana Dakarun isa zuwa gare su, amma Dakarun na mu sun fatattake su daga wannan wuri kuma nan da 'yan kwanaki masu zuwa za mu tsarkake sauren wuraren da 'yan ta'adda suka mamaye a garin na Mausil.

A yayin kai wannan farmaki Dakarun Irakin sun samu nasarar hallaka 'yan ta'adda da dama.