Haramtacciyar Kasar Isra'ila Ta Hana Mahmud Abbas Fita Daga Ramallah

Majiyar palasdinawa ta ce; shugaban gwamnatin kwarya-kwarya ta Palasdinu, Mahmud Abbas Abu Mazin, ya zama fursuna a hannun haramtacciyar kasar Isra'ial.

Kamfanin dillancin labarun Fars ya amabato cewa; jami'in na palsdinu ya yi hira ne da jaridar yahudawa ta Ma'ariv inda ya ce; An maida Abbas din zama fursuna ne bayan da ya kasa shawo kan Zanga-zangar Kudus saboda rufe masallacin kudus da 'yan sahayoniya su ka yi.

Ita kuwa jaridar Jerrusalem ta buga cewa; Abbas ya zama wanda ba a kauna saboda  matsin lamba akan kungiyar gwagwarmayar musulunci ta Hamas.

A cikin kwanakin bayan nan dai gwamnatin kwarya-kwaryar palasdinu ta kara takurawa al'ummar Gaza ta hanyar rage musu wutar lantarkin da su ke sha, da hana shigar da kayan asibiti da kuma yanke albashin da ake baiwa iyalan fursunonin palasdinawa, a matsayin yi wa haramtacciyar kasar Isra'ila hidima.