Amerika: An Kai karar Saudiyya Akan Harin 11 Ga Satumba

Iyalan wadanda aka kashe a harin 11 ga watan Satumba sun kai Saudiyya kara a kotun kasar Amurka.

Kamfanin dillancin labarun Associated Press ya ce; A ranar litinin mai zuwa ne dan majalisar dattijai Richard Blumenthal, tare da iyalan wadanda aka kashe a harin, za su tsaya  a gaban ginin kotun koli ta Amurka domin bayyanawa duniya matakin da su ka dauka na kai karar Saudiyya.

Iyalan mutane suna zargin gwamnatin Saudiyyar ne da cewa tana da hannu a harin na 11 ga watan Satumba.Mutane 15 daga cikin maharan 19 sun fito ne daga kasar Saudiyya.

A shekarar 2016 ne aka yi doka a Amurka wacce ta ba da damar a kai karar gwamnatin wata kasa a kotun Amurka bisa wani laifi da su ka aikata.