Siriya Ta Mayar Da Martani A Kan HK.Isra'ila

Siriya ta halba makamai masu linzami da dama zuwa ciboyiyn soja 4 a cikin haramtacciyar kasar Isra'ila, lamarin da ya sanya fargaba da tsoro a zukatan yahudawa, inda ta kai gwamnatin Isra'ila ta bayar da umarnin bude wuraren samun mfuka a kauyen Qiryat Shemona na yankin Aljalil dake arewacin Isra'ila.

Kafafen yada labaran haratacciyar kasar Isra'ila sun sanar a wannan alhamis cewa Dakarun tsaron Siriya sun harba makamai masu linzami cikin Isra'ila, lamari da ya sanya hukumomin Isra'ilan suka bayar da umarni buda wuraren da aka tanada na buya, idan irin hakan ya wakana, kuma da zarar al'umura sun dawo daidai, to jama'a na iya fitowa daga mafakar, sannan kuma su kasance a kusa da irin wadannan wurare.

A safiyar wannan alhamis Dakarun tsaron Siriya sun halba makamai masu linzami da dama ga wasu cibiyoyin tsaron HK Isra'ila guda 4, wannan kuwa na a matsayin mayar da martani kan hare-haren wuce gona da iri da Isra'ilan ke kaiwa a cikin kasar ta Siriya.

A jiya Laraba, dakarun tsaron saman Siriya sun sanar da kakkabo makamai masu Linzami da aka halba cikin kasar daga Haramtacciyar kasar Isra'ila.

A jijjifin safiyar wannan alhamis makamai masu Linzami da dama sun girgiza birnin Damuscus na kasar Siriya.