Kasar China Ta Girke Jiragen Yaki A Tekun Sin

Amurka ta sanar da cewa; Sin Ta Girke Jiragen Yaki A Tekin Sin Da Ake Takaddama A kansa

Ma'aikatar tsaron Amurka ta Pentagon ta sanar a jiya talata cewa; ta hango jiragen yaki da kasar sin ta girke a tsibirin da ke tekun Sin da ake takaddama a kansa.

Mai magana da yawun sojojin Amurka da ke tekun Pacific, Captain Darin James, jiragen sun rika yin shawagi na lokaci mai tsawo a cikin tsibirin Wood wanda kasar Sin ta bai wa sunan' Yongishing"

Sanarwar ta Pentagon ta ci gaba da cewa; Tana cikin damuwa saboda yadda kasar ta Sin ta ke aikewa da manyan makamai na zamani zuwa wanann tsibirin wanda kasashe da dama su ke jayayya akan mallakarsa."

Kwanaki kadan ma da su gabata ma dai kasar ta Sin ta girke makamai masu linzami a cikin tsibirin samfurin Sam, da za a iya amfani da su daga kasa domin harbo jirage.