Koriya Ta Arewa Ta Soke Ganawa Da Sakataren Amurka

Mahukuntan Pyongyang, sun soke wata ganawa da aka shirya wasu manyan jami'an kasar zasu yi da sakataren gwamnatin Amurka, Mike Pence, a daura da gasar Olympics ta hunturu a birnin Pyeongchang, na Koriya ta Kudu.

Wannan dai ya zo ne a daidai lokacin da gwamnatin Amurkar, ta shirya wata takaitacciyar ganawar, domin jadadda wa jami'an Koriya ta Arewar mahimmancin dakatar da shirin ta na makaman nukiliya da na masu cin dogon zongo.

Saidai ana daf da yin wannan ganawa, jami'an na Koriya ta Arewa suka soke ganawar.

An dai sa ran ganawar za ta bude wani sabon babi tsakanin bangarorin biyu da suka jima suna yi wa junansu barazana.

Babu dai karin bayyani daga mahukuntan Koriya ta Arewa kan dangane da hakan, amma Amurka ta ce tana nadama akan yadda Koriya ta Arewa bata yi amafani da wannan dama ba, amma kuma ba zata nemi afuwa ba akan janyo hankalin duniya ba akan neman kare hakkin bil adama.