ԻՀՊԿ.«Ծանր վրեժ ենք լուծելու ոճրագործներից»
ԻՀՊԿ հաղորդագրություն տարածելով, ցավակցություն է հայտնել Բաղդադում ԱՄՆ-ի իրականացրած ոճրագործության հետևանքով Ղոդսի հրամանատար, գեներալ Ղասեմ Սուլեյմանիի և մյուսների նահատակության կապակցությամբ և հայտարարել, որ ծանր վրեժ է լուծելու ոճրագործներից:
Ուրբաթ օրը, ԻՀՊԿ հաղորդագրություն տարածելով, հայտարարել է, որ ամերիկյան ուժերի հարձակման հետևանքով նահատակվել են ԻՀՊԿ Ղոդս ստորաբաժանման հրամանատար, գեներալ Ղասեմ Սուլեյմանին և Ալ Հաշդ ալ-Շաբի իրաքյան ժողովրդական աշխարհազորային կազմակերպության փոխհրամանատար Աբու Մեհդի ալ Մոհանդեսին:
Հաղորդագրության մեջ ասված է.«Գեներալ Ղասեմ Սուլեյմանիի և իսլամական դիմադրության դպրոցում դաստիարակված մյուս քաջերի նահատակությունը նոր էջ բացեց հակասիոնիստական և տարածաշրջանում ամերիկյան ոտնձգիչների դեմ պայքարում»:
Իրանի անվտանգության նախարարությունը գեներալ Ղասեմ Սուլեյմանիի նահատակության առիթով հաղորդագրություն տարածելով, հայտարարել է, որ ամերիկացի ահաբեկիչները պատժվելու են: