Թեհրանի հայոց թեմը դատապարտել է գեներալ Սուլեյմանիի և նրա զինակիցների սպանությունը
Թեհրանի հայոց թեմը դատապարտել է ԻՀՊԿ Ղոդս ստորաբաժանման հրամանատար, գեներալ Ղասեմ Սուլեյմանիի և նրա զինակիցների սպանությունը:
Լրատվական աղբյուրների հաղորդման համաձայն, ուրբաթ օրը, Բաղդադի օդանավակայանի դեմ ամերիկյան ուղղաթիռների հարձակման հետևանքով, նահատակվել է ԻՀՊԿ Ղոդս ստորաբաժանման հրամանատար, հաջ Ղասեմ Սուլեյմանին և Ալ Հաշդ ալ-Շաբի իրաքյան ժողովրդական աշխարհազորային կազմակերպության փոխհրամանատար Աբու Մեհդի ալ Մոհանդեսը:
ԻՍՆԱ-ի հաղորդման համաձայն, հաղորդագրության մեջ ասված է. «Թշնամին մշտապես փորձում է վնաս հասցնել Իրանին, անտեսելով այն փաստը, որ ԻԻՀ-ը, հենվելով իր ժողովրդի և ինքիշխանության վրա, կարող է դիմակայել բոլոր նրանց, ովքեր կփորձեն խաթարել իր խաղաղությունն ու անվտանգությունը»:
Հաղորդագրության մեջ Թեհրանի հայոց թեմը ցավակցություն է հայտնել երկրի առաջնորդին, պաշտոնյաներին ու զոհվածների ընտանիքներին: Հաղորդագրության մեջ ասված է. «Բարձրյալն Աստծուց խաղաղություն ենք հայցում զոհերի հոգիներին և համբերություն՝ նրանց հարազատներին:
Թեհրանի հայոց թեմի առաջնորդ, գերաշնորհ տեր Սեպուհ արքեպիսկոպոս Սարգսյան և թեմական խորհուրդ»:
