Իրանի բանակի ԱԹՍ-ների մարտում «Աբաբիլ» անօդաչու թռչող սարքից հաջողությամբ արձակվել է «Ալմաս» հրթիռը
«Օդ-մակերևույթ» տիպի Ալմաս հրթիռներով զինված Աբաբիլ անօդաչու թռչող սարքերն Իրանի իսլամական հանրապետության բանակի ԱԹՍ-երի մասնակցությամբ զորավարժության երկրորդ օրը հաջողությամբ խոցել են մակերևույթի վրա գտնվող թիրախները:
Ալմաս հրթիռը, որ նախագծվել ու արտադրվել է իրանցի երիտասարդ գիտնականների ու մասնագետների կողմից, կարող է խոցել մակերևույթի վրա գտնվող թիրախները:
Բանակի ԱԹՍ-երի մեծ զորավարժության շրջանակում ԻԻՀ բանակի ռազմացամաքային ուժերի հրամանատար, բրիգադային գեներալ Քյումարս Հեյդարին նշելով,որ այս մարտում կիրառվող բոլոր ԱԹՍ-երն արտադրվել են իրանցի մասնագետների կողմից, հավելել է.«Այս զորավարժության ընթացքում ցուցադրել ենք 20-ից 1000 կմ հեռահարությամբ բոլոր անօդաչու թռչող սարքերի տեսակները, որոնք ունեն ռադարներից խուսափելու և տարբեր թիրախների հետ բախվելու և թիրախների ոչնչացման հնարավորություն»:
