ԻԻՀ բանակի ՀՕՊ ուժերի հրամանատար.Իրանն աշխարհի հակաօդային պաշտպանության տերություններից է համարվում
Իրանի Իսլամական Հանրապետության բանակի հակաօդային պաշտպանության ուժերի հրամանատարն ասել է.«Իրանի Իսլամական Հանրապետությունը աշխարհի հակաօդային պաշտպանության տերություններից է»:
Բրիգադային գեներալ Ալիռեզա Սաբահիֆարդն այցելել է Իրանի հյուսիսարևմուտքում գտնվող հակաօդային պաշտպանության ստորաբաժանումներ: Այցի շրջանակում ունեցած ելույթում նա ասել է.«Մոթալե ալ-Ֆաջր ռադարը հարյուր տոկոսանոց սեփական արտադրության սարքավորումներից է, որը կառուցվել է իրանցի մասնագետների հզոր ձեռքերով»:
Բրիգադային գեներալ Ալիռեզա Սաբահիֆարդը հավելել է. «Հետևելով գերագույն գլխավոր հրամանատարի խորհուրդներին և ուղղորդումներին,. ,այսօր մենք հասել ենք ներքին ուժի և կարողության այն փուլին, որ հնարավորություն ունենք սեփական արտադրության համակարգերով հայտնաբերել ցանկացած թռչող սարք ինչպես մեր երկրի երկնքում, այնպես էլ դրա սահմաններից այն կողմ: Պաշտպանական սարքավորումների արտադրության և գնման առումով մենք ոչ մի երկրից կախված չենք: Իրանի Իսլամական Հանրապետությունը հակաօդային պաշտպանության ոլորտում լավագույններից է ոչ միայն տարածաշրջանում, այլև աշխարհում»:
Իրանի Իսլամական Հանրապետության բանակի հակաօդային պաշտպանության հրամանատարն անդրադառնալով Իրանի կանխարգելիչ ուժին հավելել է. «Եթե մեր թշնամիները չեն համարձակվում ինչ-որ քայլ անել իսլամական Իրանի սրբազան երկնքի դեմ, դա այս տեղական համակարգերի շնորհիվ է, և մեր պաշտպանական համակարգերի կանխարգելիչ ուժը գտնվում է շատ բարձր մակարդակի վրա է»:
