Իրանն ինքնաբավ է ուղղաթիռների և ԱԹՍ-ների կառուցման ոլորտում
ԻԻՀ բանակի ցամաքային զորքերի հրամանատարը հայտարարել է, որ երկիրն ինքնաբավության է հասել ուղղաթիռների և անօդաչու թռչող սարքերի կառուցման ոլորտում:
Բրիգադի գեներալ Քիումարս Հեյդարին, պարտադիր ծառայության զորակաչի լավագույն զինծառայողների 16-րդ շրջանի մեկնարկի արարողության ժամանակ հայտարարել է. «Բանակն ուժի, մարտունակության և պաշտպանունակության գագաթնակետին. ձեռք բերեց նաև կարևոր նվաճումներ անօդաչու թռչող սարքերի ոլորտում: Եվայսօր Իրանն ինքնաբավության է հասել ուղղաթիռների և անօդաչու թռչող սարքերի կառուցման ոլորտում»:
Հեյդարին նշել է, որ բանակի ցամաքային ուժերը գտնվում են ուժի, մարտունակության ու պաշտպանունակության գագաթնակետին, հավելելով. «Իրանի Իսլամական Հանրապետությունն ունի տարածաշրջանում ուղղաթիռների ամենախոշոր նավատորմը: Այսօր մեր ուղղաթիռները հագեցած են գիշերային տեսողության արդիական տեսախցիկներով և կետային հրթիռներով: Մենք նաև ձեռքբերումների ենք հասել անօդաչու թռչող սարքերի ոլորտում: Մենք ինքնաբավության ենք հասել ուղղաթիռների և ԱԹՍ-ների կառուցման ոլորտում»:
Բրիգադի գեներալ Հեյդարին ասել է. «ԻԻՀ ցամաքային զորքերում կան տարբեր ստորաբաժանումներ, որոնք կազմում են պաշտպանության և անվտանգության մարմինների շղթան»:
