Գեներալ-մայոր Ռաշիդ. Իրանի զինված ուժերը ճնշում են ցանկացած սպառնալիք, ցանկացած մակարդակի և ցանկացած տարածքից
Իրանի Խաթամ ալ-Անբիա կենտրոնական շտաբի հրամանատարը, հայտարարելով, որ Իրանի զինված ուժերը ճնշում են ցանկացած մակարդակի և ցանկացած տարածքից եկող ցանկացած սպառնալիք, ասել է. «Թշնամիները պետք է ձեռնպահ մնան բանակի և Իրանի հեղափոխության պահապանների կամքն ու ուժը փորձարկելուց»:
Pars Today-ի հայերեն բաժնի հաղորդմամբ, գեներալ-մայոր Ղոլամ Ալի Ռաշիդը, «Զոլֆաղար 1400» համատեղ զորավարժությունների շրջանակում բանակի հրամանատարների հետ հանդիպման ժամանակ հայտարարել է. «Իրանի բանակը և զինված ուժերը միշտ պատրաստ են ռազմավարական, օպերատիվ և մարտավարական գործողություններով. պահպանելով անվտանգությունը, Իրանի գոյությունն ու տարածքային ամբողջականությունը, ինչպես նաև տարածաշրջանային դիրքն ու հզորությունը, կանգնել թշնամիների կոալիցիայի, մասնավորապես ԱՄՆ-Սիոնիստական կոալիցիայի դեմ»:
Ընդգծելով, որ ռազմական հզորությունը սպառնալիքներին ուժեղ արձագանքելու անհրաժեշտություն է, գեներալ Ռաշիդն հավելել է. «Իրանի Իսլամական Հանրապետության բանակը և Իսլամական հեղափոխության պահապանների կորպուսը Իրանի պաշտպանական հզորության կառուցվածքի հիմը դրել են Սրբազան Պաշտպանության 8 տարիների ազգային-պատմական և ռազմավարական ժառանգության վրա՝ կանխելու զավթիչների սխալ հաշվարկը»։
Զորավարժությունների քարոզչության շտաբի փոխանցմամբ, Իրանի հարավում ՝ Մակրանի ափերին, այսօր մեկնարկել են ԻԻՀ բանակի «Զոլֆաղար 1400» համատեղ զորավարժության հիմնական փուլերը՝ բանակի հետևակային, զրահատեխնիկական և մեքենայացված ստորաբաժանումների, հակաօդային պաշտպանության համակարգերի, ռազմածովային ուժերի նավերի և սուզանավերի, օդուժի կործանիչների ու ԱԹՍ-ների ամսնակցությամբ:
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian
https://www.reddit.com/user/armradio/
https://urmedium.com/c/armenianradio
