Բաղերի Քանի. Առաջիկայում կստորագրվեն Իրան-Սերբիա երկկողմ համագործակցության կարևոր փաստաթղթեր
Իրանի ԱԳ նախարարի քաղաքական տեղակալն ասել է. «Իրանը և Սերբիան, նկատի ունենալով հարաբերությունների երկար պատմությունը և ընդհանուր շահերը, ձգտում են ընդլայնել երկկողմ համագործակցությունը տարբեր ոլորտներում»։
Ալի Բաղերի Քանին, ով իր սերբ գործընկերոջ հրավերով մեկնել է Բելգրադ, հանդիպել է սերբական որոշ լրատվամիջոցների ներկայացուցիչների հետ։
Հանդիպմանը Բաղերի Քանին ասել է. «Քաղաքական-տնտեսական և մշակութային ոլորտներում համագործակցության կարևոր փաստաթղթերի ստորագրմամբ Իրան-Սերբիա հարաբերությունների իրավական հիմքերը կամրապնդվեն»:
Փաստաթղթերը նախատեսվում է ստորագրել և փոխանակել Իրանի արտաքին գործերի նախարարի՝ Բելգրադ, և Սերբիայի նախագահի՝ Թեհրան կատարելիք այցերի ընթացքում։
Հանդիպմանը Բաղերի Քանին ներկայացրել է նաև Իրանի դիրքորոշումները միջուկային բանակցությունների, ուկրաինական ճգնաժամի և էներգետիկ ճգնաժամի հետ կապված հարցերի վերաբերյալ։
