Ամիր Աբդոլլահյան. Հետպատերազմյան շրջանի համար պաղեստինցիները քաղաքական նախաձեռնություն ունեն
Իրանի Իսլամական Հանրապետության արտաքին գործերի նախարարը նշելով, որ պաղեստինցիները պետք է որոշում կայացնեն Պաղեստինի և նրա ապագայի համար, ասաց. Պաղեստինցիները նաև ծրագրեր ու քաղաքական նախաձեռնություններ ունեն հետպատերազմյան փուլի համար։
Հոսեյն Ամիր Աբդոլլահյանը, ով ուրբաթ երեկոյան ժամանել էր Բեյրութ որպես իր տարածաշրջանային այցի առաջին հանգրվան, հանդիպել և զրուցել է Լիբանանի Հեզբոլլահի գլխավոր քարտուղար Սեյեդ Հասան Նասրալլահի հետ։
Այս հանդիպմանը Լիբանանի Հեզբոլլահի գլխավոր քարտուղարը Դիմադրությունը համարել է կարևոր տարր տարածաշրջանային հավասարումներում՝ ընդգծելով, որ Սիոնիստական թշնամին մարտի դաշտում չի հասել իր նպատակներից որևէ մեկին և, անկասկած, պաղեստինյան ժողովրդի ու դիմադրության հաղթանակը միանշանակ է։
Լիբանանի Հեզբոլլահի գլխավոր քարտուղարը նաև համաշխարհային առաջնորդների շարքում եզակի է համարել Իրանի Իսլամական հեղափոխության գերագույն առաջնորդի իմաստուն, հստակ ու վճռական դիրքորոշումները Գազայում և Հորդանան գետի արևմտյան ափին ընթացող զարգացումների վերաբերյալ:
ԻԻՀ ԱԳ նախարարն այս հանդիպմանն ընդգծել է, որ պաղեստինյան Դիմադրությունը խելամտորեն ու վճռական է գործել դիմադրության ու դիմակայության, ինչպես նաև քաղաքական լուծման ճանապարհին, և յուրաքանչյուր քաղաքական նախաձեռնության մեջ պետք է հաշվի առնել պաղեստինյան ժողովրդի դերը և պաղեստինյան առաջնորդների ու խմբերի կոնսենսուսը որպես հիմնական առանցք։
Այսօր (շաբաթ օրը) Լիբանանի վարչապետ Նաջիբ Միղաթիի հետ հանդիպման ժամանակ Ամիր Աբդոլլահյանն ասել է, որ Իրանի Իսլամական Հանրապետությունը նախկինի պես շարունակում է աջակցել Պաղեստինի դիմադրությանը և ջանքեր է գործադրում Գազայի դեմ Իսրայելի ռեժիմի հարձակումները դադարեցնելու եւ տարածաշրջանում պատերազմի շրջանակների ընդլայնումը կանխել ուղղությամբ։
Ամիր Աբդոլլահյանը Եմենի վրա ԱՄՆ-ի և Բրիտանիայի վերջին հարձակումները համարել է այս երկրի ինքնիշխանության և տարածքային ամբողջականության խախտում և համահունչ Սիոնիստական ռեժիմի նկատմամբ այդ երկրների շարունակական աջակցությանը՝ հավելելով, որ այս հարձակումները ուժեղացնում են տարածաշրջանում ճգնաժամի սրման վտանգը։
Ամիր Աբդոլլահյանը հանդիպել և զրուցել է նաև պաղեստինյան դիմադրության խմբերի առաջնորդների հետ։ Այս հանդիպմանը, որին մասնակցել են Իսլամական ջիհադ շարժման գլխավոր քարտուղար Զիյադ ալ-Նախալահը, ՀԱՄԱՍ-ի շարժման առաջնորդներից Ուսամմա Համդանը և Պաղեստինի ազատագրման ժողովրդական ճակատի գլխավոր քարտուղարի տեղակալ Ջամիլ Մազհարը, քննարկվել են Պաղեստինի վերջին քաղաքական ու դաշտային զարգացումները և Գազայի պատերազմը։
Դիմադրության խմբերի առաջնորդներն ընդգծել են, որ Ժամանակը դիմադրության օգտին է, և սիոնիստական թշնամին չի հասել իր հայտարարած նպատակներից որևէ մեկին, մինչդեռ գտնվում է ներքին և միջազգային հարաճուն ճնշման տակ։
