Զարիֆ.-«Իրանի հրթիռային պաշտպանական ծրագրերը օրինական են»
ԻԻՀ արտգործնախարար Մոհամեդ Ջավադ Զարիֆը զգուշացրել է ԱՄՆ-ին, Իրանի հրթիռային պաշտպանական ծրագիրը պատրված չծառայեցնել քաղաքականացված որոշումներ ընդունելու համար:
Թեհրանում Ֆրանսիայի արտաքին գործերի նախարար Ժան Մարկ Այրոյի հետ համատեղ մամլո կոնֆերանսում, ԻԻՀ արտգործնախարար Մոհամեդ Ջավադ Զարիֆն ասել է.-«Իրանի հրթիռային պաշտպանական օրինական ծրագիրը չի առնչվում Համատեղ համապարփակ քայլերի ծրագրին»:
Զարիֆը հստակեցրել է, որ ՄԱԿ-ի Անվտանգության Խորհրդի արձակած թիվ 2231 բանաձևում մի նախադասություն կա Իրանի բալեստիկական հրթիռների վերաբերյալ, որի մասին ժամանակին Իրանը հայտնել է իր դիրքորոշումը:
Զարիֆն ընդգծել է.-«ՄԱԿ-ի ԱԽ բանաձևում նշված է՝ միջուկային մարտագլխիկներ կրող բալեստիկական հրթիռների մասին, սակայն հենց այն ժամանակ Իրանը հայտարարել էր, որ իր հրթիռներից և ոչ մեկը նման կարողություն չունի և միայն պաշտպանական բնույթ ունեն:
ԻԻՀ արտգործնախարարի խոսքերով, Իրանի պաշտպանական ծրագրերը չեն առնչվում ԱԽ-ի թիվ 2231 բանաձևին: «ԻԻՀ իր պաշտպանական ծրագրերում անկախ է աշխատում». ասել է նա:
«Ցավոք ՀՔՀԾ-ի որոշ կողմերը հատկապես ԱՄՆ-ն, չեն կատարում միջուկային պայմանագրով ստանձնած իրենց պարտավորությունները».- ասել է Զարիֆը:
Վկայակոչելով ռուսաստանյան լրատվական աղբյուրներին, «Ալ-Ալամ» հեռուստակայանը հաղորդել է, որ Իրանի հրթիռային փորձարկումները չեն հակասում Անվտանգության խորհրդի բանաձևերին:
ԱՄՆ-ի և Սիոնիստական ռեժիմի առաջարկով Իրանի հրթիռային փորձարկումները քննարկելու նպատակով ՄԱԿ-ի Անվտանգության Խորհուրդը շուտով նիստ է գումարելու: