ԻԻՀ առաջնորդ.«Դիվանագիտության մեջ հեղափոխական ու կրոնական ոգու պահպանումը անհրաժեշտություն է»
Իրանի Իսլամական Հանրապետության նախագահի և կառավարության կազմի հետ հանդիպման ժամանակ, իսլամական հեղափոխության մեծարգո առաջնորդը կարևորել է հեղափոխական ու կրոնական ոգու պահպանումը դիվանագիտության մեջ:
Նշելով,որ դիվանագիտության ոլորտում պետք է լինել զգոն ու սթափ, գերապատիվ առաջնորդ Այաթոլլահ Խամենեին ընդգծել է.«Դիվանագիտական հարցերում պետք է պարծենալ հեղափոխությամբ և իրագործել ազգային նորմերը, հեղափոխության արդյունքում ձևավորված նորմերը , ներառյալ իմպերիալիզի ու բռնության դեմ պայքարը»:
Մեծարգո առաջնորդը նշել է.«Հեփափոխական նորմերին ու դիրքերին հավատարիմ մնալով կարելի է հարգանք վաստակել, ինչը չի հակասում ճկունության ու դիվանագիտության արվեստի հնարքների կիրառմանը»:
ԻԻՀ առաջնորդը նաև խոսելով արտաքին քաղաքականության մասին նշել է,որ պետք է աշխարհի հետ դիվանագիտության դռները բացել և ոչ թե կենտրոնանալ մի քանի երկրների հետ հարաբերությունների վրա:
Ընդգծելով, որ պատասխանատուները պետք է ջանքեր գործադրեն ժողովրդի տնտեսական խնդիրների լուծման ուղղությամբ, մեծարգո առաջնորդն ասել է.«Տնտեսությունը պետք է ազատել նավթից և հաշվի առնելով Իրանի հնարավորությունները, պոտենցիալները և մարդուժը , այս կարևոր նպատակը կարելի է իրագործել»:
Իսլամական հեղափոխության առաջնորդը խոսքն ուղղելով հանրապետության նախագահին և կառավարության կազմի անդամներին, անհրաժեշտություններ համարեց ժողովրդի տնտեսական խնդիրների կարգավորումը, անկոտրում ու ջիհադական ոգի ունենալը և ժողովրդի հետ ամուր կապեր պահպանելը:
