Իրանի պաշտպանության նախարար. Հրթիռային կարողությունն ընդլայնելու ենք
Իրանի պաշտպանության և զինված ուժերի աջակցության նախարարը նշել է, ոի պաշտպանական հայեցակարգի գլխավոր սկզբունքը ակտիվ կանխարգելման կողմնորոշմամբ համակողմանի պաշտպանությունն է: Նա ընդգծել է. «Իրանի դեմ հավանական ոտնձգության դեպքում, թշնամին ջախջախիչ ու զղջում պարտադրող պատասխան կստանա»:
Բրիգադային գեներալ Ամիր Հաթամին, երկուշաբթի օրը նշել է, որ ԻԻՀ կանխարգելող ուժի տարրերից մեկը հրթիռային հզորությունն է: Նա ասել է, որ Իրանն ընդլայնելու է իր հրթիռային կարողությունը:
Իրանի պաշտպանության և զինված ուժերի աջակցության նախարարն ընդգծել է, որ թշնամիները ցանկանում են հարվածել ԻԻՀ-ին, հավելելով. «Իրանի հրթիռային կարողությունը ջախջախիչ պատասխան է նրանց, ովքեր ԻԻՀ անապահովության մասին երազանքներ են հյուսում»:
Բրիգադային գեներալ Ամիր Հաթամին ԻԻՀ պաշտպանական հզորության ամրապնդումը պաշտպանության նախարարության գլխավոր գերակայությունն է համարել: Նրա խոսքերով. «Նախարարությունը դիմադրողական տնտեսության ու տեղական կողմնորոշմամբ որոշակի ծրագրումներ է կատարել հրթիռային, ծովային, օդային, ցամաքային ու հակաօդային պաշտպանության ոլորտներում»:
«Տարածաշրջանում անվտանգությունը տարածաշրջանից դուրս գտնվող ուժերի միջամտությամբ չի իրագործվելու»,-հայտարարել է բրիգադային գեներալ Ամիր Հաթամին, անդրադառնալով տարածաշրջանային ճգնաժամերին:
Իրանի պաշտպանության նախարարը նշել է. «Դիմադրության առանցքի հանդեպ ԻԻՀ հովանավորությունը տարածաշրջանում անվտանգության ստեղծման և թշնամիների ընչաքաղցության դիմակայման ուղղությամբ է իրականացվում»:
