Գեներալ Ջաաֆարի.«Իրանական հրթիռներն օժտված են դիպուկ խոցելու հատկությամբ»
Իրանի իսլամական հեղափոխության պահապանների կորպուսի գլխավոր հրամանատար գեներալ-մայոր Մոհամմադ Ալի Ջաաֆարին ասել է.«Պահակազորի բոլոր հրթիռներն օժտված են դիպուկ խոցելու հատկությամբ»:
Սեպտեմբերի 27-ի երեկոյան Իրանի հեռուստատեսությանը տված հարցազրույցում, խոսելով Պահակազորի կողմից Սիրիայի Դեյր Էլ-Զոր քաղաքում ԻԼԻՊ ահաբեկչական խմբավորման կենտրոնակայանի վրա իրականացված հրթիռային հարձակման մասին,գեներալ-մայոր Ջաաֆարին ասել է.«2017 թվականի հունիսին պատասխանելով ԻԼԻՊ ահաբեկչական խմբավորման կողմից Իրանի խորհրդարանի շենքի և Հոգելույս Իմամ Խոմեյնիի սրբավայր դամբարանի վրա իրականացված ահաբեկչական հարձակմանը, Պահակազորի հրթիռները ճշգրտորեն արձակվեցին ,ուղղորդվեցին և դիպան նշանակետին»:
Իրանի իսլամական հեղափոխության պահապանների կորպուսի գլխավոր հրամանատարը հստակեցրել է.«Պահակազորի կողմից ԻԼԻՊ-ի կենտրոնակայանի վրա իրականացված հարձակման պատգամն այն էր,որ Իսլամական հանրապետության հրթիռները կարողացան Իրաքի օդային տարածքը կտրելով դիպուկ խոցել երրորդ երկրում այսինքն Սիրիայում գտնվող նշանակետը»:
Նշենք,որ Իրանի իսլամական հեղափոխության պահապանների կորպուսն ի պատասխան Թեհրանում հունիսի 7-ին տեղի ունեցած ահաբեկչական հարձակումներին, 2017 թվականի հունիսի 18-ին միջին հեռահարությամբ վեց «երկիր-երկիր» դասի հրթիռ արձակեց Սիրիայի արևելյան Դեյր Էլ-Զոր քաղաքում գտնվող ԻԼԻՊ ահաբեկչական-թաքֆիրական խմբավորման հրամանատարական կետի ուղղությամբ:
