Իրանի Առողջապահության նախարարության և Կարմիր մահիկի կողմից մի խումբ է գործուղվել Բանգլադեշ
Իրանի առողջապահության նախարարության և Կարմիր մահիկի կազմակերպության տնօրենների ու փորձագետների մի խումբ ժամանել է Բանգլադեշի մայրաքաղաք Դաքա՝ Մյանմայի մուսուլման փախստականներին օգնելու և նրանց առողջապահական վիճակը քննարկելու նպատակով: Այս մասին հաղորդում է ԻՌՆԱ լրատվական գործակալությունը:
Խումբը կայցելի տարածաշրջանի ճամբարներ, որպեսզի անհրաժեշտ քայլեր ձեռնարկի Մյանմայի մուսուլման փախստականներին օգնելու համար:
Իրանի իսլամական հանրապետության Կարմիր մահիկի կազմակերպության օգնությունների երրորդ բեռնվածքը երեքշաբթի օրը առաքվել է Մյանմայի ռոհինգյա փախստականների համար:
Մինչ այժմ Իրանի Կարմիր մահիկի կողմից 130 տոննա օգնություն է առաքվել Բանգլադեշ:
Ռախին նահանգում Մյանմայի բանակի կողմից ռոհինգյա մուսուլմանների դեմ իրականացված հարձակումների հետևանքով զոհվել են ավելի քան 6000 և վիրավորվել 8000 ռոհինգյա մուսուլմաններ: Ավելի քան 500 հազարը փախել են Բանգլադեշ: