Իրանն ու Ռուսաստանը կարևորել են ՀԳՀԾ-ի պահպանումը
Իրանի ու Ռուսաստանի արտգործնախարարները համատեղ նիստում կարևորել են ՀԳՀԾ-ի պահպանումը և ելքեր են որոնում 4+1 խմբի շրջանակում համագործակցությունը շարունակելու համար:
Սպուտնիկ լրատվական գործակալության հաղորդման համաձայն, Զարիֆի հետ հանդիպման ժամանակ, Լավրովն ասել է.«Այսօր պետք է խոսենք իրավիճակի սրումը կանխող քայլերի մասին»:
Լավրովը նշել է, որ եվրոպական երեք երկրները, Չինաստանն ու Ռուսաստանը հայտարարել են, որ հավատարիմ են մնալու Իրանի հետ միջուկային համաձայնությանը:
ՌԴ արտգործնախարարը հավաստիացրել է, որ գիտակցում է Իրանի դիրքորոշումը ՀԳՀԾ-ի նկատմամբ և այդ համաձայնության պահպանման նշանակությունը:
Հանդիպման ժամանակ, Իրանի արտգործնախարարը ևս նշել է, որ ձգտում է Ռուսաստանի, Չինաստանի, Բրիտանիայի, Գերմանիայի ու Ֆրանսիայի հետ բանակցելով, վստահանալ, որ ՀԳՀԾ-ում երաշխավորվում են Իրանի շահերը:
Զարիֆը նշել է, որ ցավոք, միջազգային կանոնների խախտումը սովորական քայլ է ԱՄՆ-ի կառավարության համար:
ԱՄՆ-ի դեսպանությունը Երուսաղեմ փոխադրելու մասին Զարիֆն ասել է.«Վաշինգտոնի քայլերը չափազանց վտանգավոր են»: