ԵՄ-ն նախազգուշացրել է Սերբիային և Կոսովոյին՝ իրենց դեսպանատները բռնագրավված Երուսաղեմ տեղափոխելու կապակցությամբ
Սիոնիստական ռեժիմին ծառայելու նպատակով ԱՄՆ նախագահ Դոնալդ Թրամփի հերթական քայլը Երուսաղեմը Սիոնիստական ռեժիմի մայրաքաղաք ճանաչելն էր և 2018-ի մայիսին ԱՄՆ դեսպանատան տեղափոխումն այս քաղաք, որն արժանացավ համաշխարհային ընդդիմության: Այնուամենայնիվ, Թրամփը այժմ փորձում է այլ երկրներին ստիպել դիմել նույն քայլին:
Եվրամիությունը սեպտեմբերի 7-ին նախազգուշացրեց Սերբիային և Կոսովոյին՝ իրենց դեսպանատները Երուսաղեմ տեղափոխելու կապակցությամբ: ԵՄ արտաքին քաղաքականության ղեկավարի խոսնակ Պիտեր Ստանոն հայտարարել է, որ Սերբիան և Կոսովոն, որոնք ձգտում են անդամակցել ԵՄ-ին, պետք է տեղյակ լինեն, որ այդ քայլը հակասում է Բրյուսելի ակնկալիքներին և ցանկացած քայլ, որը կասկածի տակ կդնի Երուսաղեմի վերաբերյալ ԵՄ ընդհանուր դիրքորոշումը, մտահոգիչ է»:
Վերջերս Սերբիայի նախագահ Ալեքսանդր Վուչիչը և Կոսովոյի վարչապետ Աբդուլլա Հոթին պայմանավորվել էին Սպիտակ տանը Թրամփի ներկայությամբ կարգավորել տնտեսական հարաբերությունները: Սերբիան նաև հայտարարել է մինչև 2021 թվականի հուլիսը Թել Ավիվում իր դեսպանատունը Երուսաղեմ տեղափոխելու որոշման մասին : Կոսովոն նույնպես որոշում է կայացրել դիվանագիտական հարաբերություններ հաստատել Սիոնիստական ռեժիմի հետ `ճանաչելով այն:
Հաշվի առնելով Սիոնիստական ռեժիմին աջակցելու հարցում Եվրոպայի և ԱՄՆ-ի համակարծությունը, Թրամփը ենթադրում էր, որ եվրոպացիները դեմ չեն լինի Երուսաղեմը Սիոնիստական ռեժիմի մայրաքաղաք ճանաչելու և ԱՄՆ դեսպանատունը այս քաղաք տեղափոխելու նրա որոշմանը, կամ առավելագույնս մեղմ ընդդիմություն ցույց կտան այդ խնդրին:
Այնուամենայնիվ, Թրամփի որոշմանը ԵՄ-ի խիստ հակազդեցությունը ցույց տվեց, որ Երուսաղեմի ապագայի շուրջ վեճը պետք է ավելացվի Ատլանտյան օվկիանոսի երկու կողմերի տարաձայնություններին: Միևնույն ժամանակ, Եվրամիությունը դատապարտել է այդ կապակցությամբ ցանկացած գործողություն Եվրամիության անդամ կամ միությանն անդամակցել ցանկացող այլ երկրների կողմից և նախազգուշացրել է դրա հետևանքների մասին:
Կարևորն այն է, որ չնայած Թրամփի անօրինական քայլերին, Երուսաղեմը ամբողջ աշխարհում չի ճանաչվել որպես Իսրայելի մայրաքաղաք: Իսրայելը որպես մայրաքաղաք է ճանաչում բռնագրավված Երուսաղեմը, սակայն ՄԱԿ-ը դա չի ընդունում:
2017-ի դեկտեմբերի 21-ին ՄԱԿ-ի Գլխավոր ասամբլեան, 128 կողմ, 9 դեմ և 35 ձեռնպահ ձայներով դեմ քվեարկեց Երուսաղեմը Սիոնիստական ռեժիմի մայրաքաղաք ճանաչելու և ԱՄՆ դեսպանատունն այդ քաղաք տեղափոխելու Թրամփի միակողմանի որոշմանը:
Ներկայումս գրավյալ Երուսաղեմում գործում են միայն ԱՄՆ-ի ու Գվատեմալայի դեսպանությունները, իսկ Սիոնիստական ռեժիմի հետ դիվանագիտական հարաբերություններ ունեցող այլ երկրների դեսպանությունները գտնվում են Թել Ավիվում:
Սերբիան և Կոսովոն զիջել են Թրամփի անօրինական պահանջին՝ վերջինիս գոհացնելու և Վաշինգտոնից զիջումներ ստանալու դիմաց, իսկ Բելգրադը խոստացել է դեսպանատուն հիմնել գրավյալ Երուսաղեմում, ինչպես նաև քաղաքական և դիվանագիտական հարաբերություններ հաստատել Իսրայելի հետ:
Այնուամենայնիվ, ԵՄ հաստատուն և վճռական դիրքորոշումը և նախազգուշացումները, որ նման քայլը մեծ խոչընդոտ կհանդիսանա ԵՄ-ին երկու երկրների անդամակցության համար, ցույց են տալիս, որ Սերբիան և Կոսովոն չեն կարող շարունակել իրեցն որդեգրած քաղաքականությունը, փորձելով հաճոյանալ ԱՄՆ-ին և միաժամանակ անդամակցել ԵՄ-ին:
Հայերեն ռադիոալիքին հետևեք սոցցանցերում
https://www.instagram.com/parstodayarmenian/
https://twitter.com/radio_armenian