Սաուդյան Արաբիայի թագավորը Ինդոնեզիա է ժամանել 460 տոննա ուղեբեռով
Սաուդյան Արաբիայի թագավոր Սալման իբն Աբդուլ Ազիզ Ալ-Սաուդը պաշտոնական այցելություն է կատարել Ինդոնեզիա` տնտեսական կապերի ամրապնդման նպատակով: Այս մասին գրում է Korespondent.net-ը:
Նշվում է, որ այս այցը նրա առաջին այցն է Ինդոնեզիա՝ վերջին կես դարում: Սաուդացի թագավորը Ջակարտայի օդանավակայան է ժամանել հազարավոր պատվիրակների, այդ թվում` արքայազների և նախարարների ուղեկցությամբ: Սաուդացի միապետի հետ միասին եղել է 460 տոննա ուղեբեռ, ինչպես նաև «Mercedes» լիմուզիններ են ժամանել:
Օդանավակայանում նրան դիմավորել է երկրի նախագահ Ջոկո Վիդոդոն: Նրան ուղեկցել են մեծ թվով ոստիկանական մեքենաներ, ինչպես նաև դրոներով թագավորին ողջունել են հազարավոր դպրոցականներ: Հատուկ նրա այցի համար հրավիրվել են 150 բարձրակարգ խոհարարներ, ինչպես նար բարձր մակարդակով ապահովվել է նրա հանգստի վայրը:
operativ.am/
