Բաշար Ասադը շնորհավորական ուղերձ է հղել ԻԻՀ առաջնորդին
Սիրիայի նախագահ Բաշար Ասադն Իսլամական հեղափոխության մեծարգո առաջնորդին հղած շնորհավորական ուղերձում նշել է.«Իրանի ժողովուրդը Սիրիայի ժողովրդի հովանավորն է ահաբեկչության դեմ մղվող պատերազմում»:
Իսլամական հեղափոխության մեծարգո առաջնորդ Այաթոլլահ Խամենեիին հղած ուղերձում, Սիրիայի նախագահը շնորհավորել է նրան, Դեյր Էլ-Զոր քաղաքի շրափակումը ճեղքելու Սիրիայի բանակի ու Դիմադրության ուժերի արձանագրած ռազմավարական ձեռքբերումների կապակցությամբ և շնորհակալություն է հայտնել Իրանի կառավարությանն ու ժողովրդին` ահաբեկչության դեմ մղվող պայքարում Սիրիայի հետ համագործակցելու համար:
«Սիրիան և Իրանի Իսլամական Հանրապետությունը կշարունակեն պայքարել ահաբեկչության դեմ և մասնակցել բոլոր ազգերի ու երկրների համար արդարության, հավասարության ու արժանապատվության վրա հիմնված տարածաշրջանային և միջազգային համակարգի ստեղծման գործին:», նշել է Բաշար Ասադը:
2017 թվականի սեպտեմբերի 5-ին Սիրիայի բանակին և Դիմադրության ուժերին հաջողվեց ճեղքել Դեյր Էլ-Զոր քաղաքի ավելի քան 3 տարվա շրջափակումը:
