ԱՄՆ-ն հաշվի է առնում Սիրիայում Թուրքիայի շահերը. Պենտագոն
ԱՄՆ-ն Սիրիայում գործողություններ իրականացնելիս հաշվի է առնում Թուրքիայի շահերը և ընդունում դրանց օրինական լինելը, նշված է Պենտագոնի մամուլի ծառայության հաղորդագրության մեջ, փոխանցում է NEWS.am-ը՝ հղվելով «ՌԻԱ Նովոստիին:
Թուրքիան անցյալում մի շարք մտահոգություններ է հայտնել Սիրիայի հյուսիսում և արևմուտքում զգալի տարածքներ վերահսկող քրդական կազմավորումների գործունեության կապակցությամբ: Թուրքիան մտավախություն է հայտնել, որ Սիրիայի իրավիճակը կարող է նպաստել քրդական կազմավորումների ամրապնդմանը, որոնց Անկարան ահաբեկչական է համարում:
«Թուրքիայի մտահոգությունը անվտանգության հետ կապված օրինական է: Մենք, ինչպես նախկինում, Թուրքիայի հետ հարաբերություններում լիովին թափանցիկ կլինենք Սիրիայում մեր ջանքերի առումով, որոնք ուղղված են ԻՊ-ի ջախջախմանը: Մենք աջակցում ենք ՆԱՏՕ-ի մեր դաշնակցի հակաահաբեկչական ջանքերին»,- նշված է Պենտագոնի մամուլի ծառայության հաղորդագրության մեջ:
armedia.am/