Միրզոյանը և «3+3» հարթակի մյուս արտգործնախարարները Ստամբուլում հանդիպել են Էրդողանի հետ
Արարատ Միրզոյանը և «3+3» հարթակի մյուս արտգործնախարարները Ստամբուլում հանդիպում են Էրդողանի հետ։ Տեղեկությունը հայտնում են թուրքական լրատվամիջոցները։
Նշվում է, որ բանակցությունները մամուլի համար փակ են եղել։
Էրդողանը Հայաստանի, Ադրբեջանի, Ռուսաստանի և Իրանի ԱԳ նախարարների հետ քննարկել է Հարավային Կովկասում կայուն խաղաղության գործընթացը, տարածաշրջանային և գլոբալ հարցեր, հաղորդում է «Anadolu»-ն
«Թուրքիան կշարունակի աջակցել Ադրբեջանի և Հայաստանի միջև կայուն խաղաղության ապահովմանն ուղղված ջանքերին: Տարածաշրջանում տեղի ունեցող զարգացումներն անհրաժեշտ են դարձնում ամրապնդել համագործակցությունն ու համերաշխությունը»,- ընդգծել է Էրդողանը:
«3+3» ձևաչափով 3-րդ նիստը կազմակերպվել է Ստամբուլում։ Վրաստանն այս անգամ ևս չի մասնակցում քննարկումներին։ Հանդիպմանը մասնակցում են Հայաստանի, Ռուսաստանի, Ադրբեջանի, Իրանի և Թուրքիայի արտգործնախարարները` Արարատ Միրզոյանը, Սերգեյ Լավրովը, Ջեյհուն Բայրամովը, Աբբաս Արաղչին և Հաքան Ֆիդանը։