Ռուս քաղաքագետ.«Թրամփը, դեմ գնալով ՀԳՀԾ-ին, փորձում է վրեժ լուծել Օբամայից»
Ռուսաստանցի քաղաքագետ, միջազգային հարցերով ավագ փորձագետ Վլադիմիր Սաժինի կարծիքով Համատեղ գործողությունների համապարփակ ծրագրի դեմ Թրամփի վարած քաղաքականության պատճառը ԱՄՆ-ի նախկին նախագահ Բարաք Օբամայից վրեժ լուծելն է:
Սպուտնիկ ռադիոկայանին տված հարցազրույցում Վլադիմիր Սաժինն ասել է.«ԱՄՆ նախագահ Դոնալդ Թրամփը Բարաքի Օբամայի նկատմամբ ունեցած թշնամության պատճառով չի կարողանում ընդունել Համատեղ գործողությունների համապարփակ ծրագիրը»:
ՌԴ գիտությունների ակադեմիայի արևելագիտության ինստիտուտի գիտաշխատող Վլադիմիր Սաժինը հավելել է.«Թրամփի կառավարությունը Իրանի միջուկային ծրագրի վերաբերյալ համակարծիք է Սիոնիստական ռեժիմի հետ»:
Ավելի վաղ Սաժինը, քննադատելով ԱՄՆ-ի քաղաքականությունը, ընդգծել էր, որ Իրանը չի խախտել Համատեղ գործողությունների համապարփակ ծրագիրը:
Նշենք, որ Իրանը և «5+1» խումբը (Բրիտանիան, Ֆրանսիան, Ռուսաստանը, Չինաստանը, ԱՄՆ-ն և Գերմանիան) 2015 թվականի հուլիսի 14-ին Իրանի միջուկային ծրագրի վերաբերյալ համաձայնագիր են ստորագրել, որը 2016 թվականի հունվարի 16-ից մտել է ուժի մեջ: Սակայն Դոնալդ Թրամփը, նշելով, որ Իրանի հետ միջուկային գործարքը կվնասի ԱՄՆ-ի շահերին, այդ երկրի ազգային անվտանգության հանձնաժողովին հանձնարարել է վերանայել համաձայնագիրը: