Եվրախորհրդարանի նախագահը և Մոգերինին զորակցություն են հայտնել Իրանի ժողովրդին
Թեհրանում տեղի ունեցած ահաբեկչական դեպքերից հետո, Եվրախորհրդարանի նախագահը զորակցություն է հայտնել Իրանի խորհրդարանի նախագահին և ժողովրդին: Այս մասին հայտնել է IRNA լրատվական գործակալությունը:
Եվրախորհրդարանի նախագահ՝ Անտոնիո Տայանին Twitter-ի իր էջում գրել է.«Իրանի ԱԳ նախարարության հետ կապ կհաստատեմ քննարկելու Թեհրանում տեղի ունեցած ահաբեկչական ակտերը»:
Եվրամիության արտաքին քաղաքականության հարցերով հանձնակատար Ֆեդերիկա Մոգերինիի խորհրդական՝ Սաբրինա Բելուսին Twitter-ի իր էջում նշել է,որ Մոգերինին արձագանքել է Թեհրանում տեղի ունեցած ահաբեկչական հարձակումներին: Մեջբերելով Մոգերինիի խոսքերը գրել է.«Այսօր ևս շատ տխուր օր է»:
Եվրախորհրդարանի սոցիալիստների և դեմոկրատների խումբը Twitter-ի իր էջում խստորեն դատապարտել է Թեհրանում տեղի ունեցած ահաբեկչական հարձակումները և զորակցություն է հայտնել Իրանի ժողովրդին:
«Ահաբեկչությունը համաշխարհային սպառնալիք է և սահման չի ճանաչում: Այս քայլերի հեղինակներն ու հովանավորները պետք է պատասխանատվության ենթարկվեն», Twitter-ի իր էջում գրել է Եվրախորհրդարանի սոցիալիստների և դեմոկրատների խումբը:
