Հաստատվել է միջմայրցամաքային հրթիռների արտադրության գործում Փխենյանի առաջընթացը
Հարավային Կորեայի պաշտպանության նախարարության հայտարարությամբ, միջմայրցամաքային հրթիռների արտադրության տեխնոլոգիայի հարցում Հյուսիսային Կորեան կատարելագործման փուլ է հասել:
Սեուլից Շինհուա գործակալության հաղորդմամբ՝ Հարավային Կորեայի պաշտպանության նախարարությունն այդ երկրի ազգային ֆորումի պաշտպանական կոմիտեին ներկայացրած զեկույցում հայտարարել է.«Հյուսիսային Կորեան կատարելագործման է հասել միջմայրցամաքային հրթիռների արտադրման ոլորտում»: Ավելի վաղ Փխենյանը միայն կարող էր միջին հեռահարությամբ բալիստիկ հրթիռներ արտադրել:
Հարավային Կորեայի պաշտպանության նախարարությունը կանխատեսել է Հյուսիսային Կորեայի կողմից նոր հրթիռների արձակումը և միջուկային փորձարկումների շարունակումը, հայտարարելով.«Հյուսիսային Կորեայի հյուսիս-արևելյան շրջանում գտնվող միջուկային փորձարկումների ընդհատակյա կայանը պատրաստ է ևս մեկ միջուկային փորձարկում կատարել»:
Փխենյանը բազմիցս հայտարարել է, որ քանի դեռ տարածաշրջանում շարունակվում են Հարավային Կորեայի, ԱՄՆ-ի և ճապոնիայի ռազմական տեղաշարժերը, ինքը շարունակելու է զարգացնել իր միջուկային ու հրթիռային ծրագիրը»: